អបអរសាទរទិវាជំនាញយុវជនពិភពលោក ឆ្នាំ២០២៤!
ក្នុងឱកាសដ៏វិសេសនេះ សូមឈ្វេងយល់ពីជំនាញសេវាកម្មម្ហូបអាហារ និងភេសជ្ជៈ។ សេវាកម្មម្ហូបអាហារ និងភេសជ្ជៈគឺជាដំណើរការរៀបចំ និងបម្រើអាហារ និងភេសជ្ជៈដល់ភ្ញៀវ ដែលដើរតួរនាទីយ៉ាងសំខាន់ក្នុងការផ្ដល់នូវដំណោះស្រាយ សេវាកម្មម្ហូបអាហារ និងភេសជ្ជៈ រហ័សទាន់ចិត្ត ប្រកបដោយអនាម័យល្អ និងគុណភាពខ្ពស់។
«សេវាកម្មម្ហូបអាហារ និងភេសជ្ជៈ ជាបេះដូងនៃវិស័យទេសចរណ៍! អ្នកបម្រើការក្នុងវិស័យនេះមានឱកាសការងារច្រើន ប្រាក់ខែសមរម្យ និងឱកាសបម្រើការងារនៅក្នុង និងក្រៅប្រទេស!» នេះជាសម្តីរបស់ លោកស្រី កែវ សុធី ដែលជាអ្នកគ្រប់គ្រងទូទៅនៅភោជនីយដ្ឋានម្លិះខេត្តសៀមរាប។ ថ្ងៃនេះ លោកស្រីចូលខ្លួនមកចែករំលែកបទពិសោធន៍ និងដំណើរឆ្ពោះទៅរកភាពជោគជ័យក្នុងវិស័យដ៏មានសារសំខាន់មួយនេះ។
